Uyaqala umqhudelwano wethenisi yabahamba ngezihlalo zabakhubazekile

Umdlali wethenisi uLucas Sithole lapha wathathwa ngonyaka odlule emqhudelwaneni we inAirports Company South Africa SA Wheelchair Tennis Open e-Ellis Park Tennis Centre eGoli.
Umdlali wethenisi uLucas Sithole lapha wathathwa ngonyaka odlule emqhudelwaneni we inAirports Company South Africa SA Wheelchair Tennis Open e-Ellis Park Tennis Centre eGoli.

ABADLALI bethenisi yabahamba ngezihlalo zabakhubazekile sebezenzele igama umhlaba wonke, nokungumphumela wokuba umqhudelwano wakulonyaka walomdlalo ubanjelwe lapha eNingizimu-Afrika, ngenyanga ezayo.

ULucas Sithole obe yingxenye yomqhudelwano obubanjelwe e-Australia ngenyanga ka-Januwari usephakamise igama lakhe, waba ngowesibili ohamba phambili emhlabeni wonke, elandela u-David Wagner wase-United States, yena owamehlula eMelbourne. Owesifazane wakuleli naye oyingxenye yalomdlalo uKgothatso Montjane, owaziwa ngo-KG, yena ungowesikhombisa emhlabeni ohlwini lwabahamba phambili, u-Evans Maripa yena emhlabeni uhleli endaweni ye-15.

Kungenxa yokuzimisela kwabadlali bakuleli nokuholele ekutheni iNingizimu-Afrika ihlomule ngokusingatha imiqhudelwano ebalulekile ngaphansi kwe-International Tennis Federation (ITF). Lomqhudelwano uzokubanjelwa e-East Tennis Centre, eBenoni mhlaka 23 kuya kumhlaka 27 ku-Ephreli. Ungomunye weyi-13 ebaluleke kakhulu emhlabeni.

Kulindeleke ukuba kubekhona nabadlali bakwamanye amazwe, kuvulwe i-Airports Company South Africa kusukela mhlaka 29 Ephreli kuya kumhlaka 3 Meyi. Eminye imiqhudelwano izokubanjelwa e-Australia, France, Japan, Britain kanye nase-United States.

“Kuyithuba eliyingqayizivele ukuba sisingathe lomqhudelwano. Kuyabonakalisa ukuthi iNingizimu-Afrika nayo ingene emdlalweni wethenisi yabahamba ngezihlalo zamasondo kwacaca. Emqhudelwaneni olandelayo silindele izinkakha zabadlali ukuba batheleke kuleli, babe yingxenye yemidlalo ezokubakhona,” kusho iMenenja ye-Wheelchair Tennis South Africa (WTSA), uKaren Losch.

Mhlaka 30 Ephreli, abadlali bazozibandakanya ezinhlelweni zokuthuthukiswa kwezikole.

 

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

maritzburgsunpubliceyelooklocal.co.zaAutodealer.co.za
Top
Next Story
UDe Sa wethulwe njengomqeqeshi omusha we-Team Of Choice