Basale dengwane abagibeli bamabhasi ngenxa yesiteleka

Kusolwa akhuthi amabhasi azoma kanje angasebenzi njengoba abashayeli bawo besabisa ngesiteleka. Isithombe :Website

 

BABHEKANE nengwadla yokungazitholi izinto zokuhamba zibayise emsebenzini abagibeli bamabhasi njengoba kuqhubeka isiteleka sikazwelonke.

Lesi siteleka siya ngokushuba njengoba izingxoxo zifikele kwangqingetshe phakathi kwabaqashi kanye nezinyunyana zabasebenzi emabhasini okukhona kuzo SA Transport and Allied Workers Union(Satawu),  National Union of Metal Workers of South Africa(Numsa) kanye nezinye.

UMnuz Ashraf Hassim  onguMenenja we Depot ye Sizanani Mazulu Transport (SMT) uthe uyazwelana nabagibeli wathi unesifiso sokuba abasebenzi bathole isisombululo kulenkinga ekhona ngokushesha. “ Ngaphambi kokuba kwenzeke lokhu ngicabanga ukuthi ngeke sakwazi ukuba sisebenze,” kuchaza uMnuz Hassim. Lenkampani yakwa SMT inamabhasi angu 80 asebenza kwimizila okubalwa kuyo eyasendaweni yase Sweetwaters kanye nase Taylors Halt.

Funda olunye udaba  : Uvalo ngokubulawa kwabantu eDambuza

UMnuz Robins Comings wenkampani yamabhasi uTaros egxile kakhulu edolobheni lase Howick kanye nase Mgungundlovu uqinisekisile ukuthi abashayeli bamabhasi bangenele lesi siteleka waveza ukuthi ngeke aqagule ukuthi sizophela nini isiteleka.  Lenkampani inamabhasi angu 31.  Uthe lesiteleka sivikelekile wathi sithinta nalabo abasebenza kuma worshop nalabo abageza amabhasi. Bathe balindele iziphumo zezingxoxo ezisaqhubeka.

 

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

maritzburgsunpubliceyelooklocal.co.zaAutodealer.co.za
Top
Next Story
Usethathiwe umlingisi weSibaya