Uvele enkantolo osolwa ngokubulala unogada

YIKHONA lapho kuhlaselwe khona kwabulawa unogada obezofaka imali emshinini wemali ePinetown Isithombe: Sanelisiwe Ntsinde.

 

UVELE kafushane  eNkantolo yasePhayindane ngoMsombuluko  owesilisa oneminyaka engama-50 ubudala osolwa ngokudubula abulale unogada obezofaka imali kwelinye lamabhange ePhayindane.

UMnu Bhekumuzi Ntuli ubhekene necala lokubulala elokuzama ukubulala kanye nelokuntshontsha kulandela ukuhlasewa konogada  abebezofaka imali ebhange elikuDale noMoodie Street ePhayindane ngoLwesihlanu.

Umufi kuthiwa wayehamba nozakwabo bezofaka imali kulelibhange nbgesikhathi umsolwa nozakwabo bevulela ngenhlamvu bebhekise kubona , kwashona oyedwa omunye waphuthunyiswa esibhedlela.

Icala lakhe lihlehliselwe umhla zili-10 kwephezulu.

Amaphoyisa asathungatha abanye abasolwa abahlanu okusolwa  ukuthi nabo bayabandakanyeka kulesigameko kanti kunesamba semali esingadalulwanga abasithatha.

 

 

  AUTHOR
Intatheli ye-Eyethu

Latest News

COMMENTS

Top
Recommended Story x
Uvele enkantolo osolwa ngelokubulala intombi yakhe