update


Sekuboshwe oyedwa ngokubulawa kwesekela Meya eRichmond

 

SEKUVELE  ukuthi isoka lalowo obeyisekela Meya kumasipala waseRichmond uNks Thandazile Phoswa, likhalelwe amasongo kaSigonyela ngemuva kokuzinikela emaphoyiseni mayelana nokubulawa kuNks Phoswa.

UNks Phoswa udutshulwe wabulawa ngezintathakusa zangoMsombulo nokuthiwa udutshulwe ekhanda. Isoka lakhe nosekuvele ukuthi lingunogada kuMasipala waseMshwathi, kuthiwa  ngemuva kwalesi sigameko lizinikele emaphoyiseni kanye nesikhali okusolwa ukuthi sisetshenzisiwe ukubulala uNks Phoswa.

UNgqongqoshe wezokuPhepha koMphakathi uMnu Mxolisi Kaunda usecele  umphakathi waseRichmond ukuba wehlise  umoya amaphoyisa aphezu kwalo loludaba.

“ Amaphoyisa asetshelwe ukuba asebenze  ubusuku nemini ukwenza isiqiniseko sokuthi lababulali babhekana nengalo yomthetho maduze. Kumele sibhekane  nalolu daba  sithole ukuthi kwenzekeni ngempela. Sicela umphakathi ukuthi wehlise umoya kunaloko usebenzisane namaphoyisa ukwenza ubulungiswa,” kusho uKaunda.

Ukushona kukaNks  Phoswa kuza ngemuva kwenyanga kubulawe  iMenenja yaloMasipala uMnu Sbusiso Sithole.

 

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

maritzburgsunpubliceyelooklocal.co.zaAutodealer.co.za
Top
Recommended Story
Kuphinde kwadutshulwa isekela Meya eRichmond