update


Kusolwa umbango  wezikhundla kubulawa ibamba likaThishanhloko

 

KUSOLWA umbango wezikhundla ngokubulawa kwebamba likaThishanhloko esikoleni samabanga aphakeme iLaduma High School KwaMpumuza.

UNks Mchunu  udutshulwe wabulawa  ngesikhathi efundisa abafundi bakamatikuletsheni namhlanje (ngoMgqibelo)  kusona lesi sikole.

Ngokuthola kwaleliphephandaba ngomthombo  walo ongaphakathi kulesi sikole kuthiwa kunombango wezikhundla obuvele ukhona kulesi sikole nokwenza basole  ukuthi  uyimbangela yokubulawa kukaNks Mchunu.

“UNks Mchunu ubeqokwe njengeSekela lakaThishanhloko ngonyaka odlule kodwa kwathi makwenzeka loko kwasuka umsindo  uThishanhloko wavele wasula wathi angeke akwazi ukusebenzisana noNks Mchunu.  Ngemuva kokuba uThishanhloko esulile uNks Mchunu ube esethatha izintambo njengebamba likaThishanhloko. Nakuba kusethusile loku okwenzekile kodwa besikulindele ngoba besekukukhulu ukungezwani khona ngaphakathi esikoleni,” kusho wona.

Uqhube wathi uNks Mchunu ubesehlale kulesikole iminyaka engama-25 njenge HOD kodwa engakaze aqokelwe esobuthishanhloko okaye isekela nokuthe uma eseqokwa njengesekela Thishanhloko kwasuka omkhulu umsindo.

“Kusho  ukuthi basazophela abantu kubangwa izikhundla ngoba kusho ukuthi baningi abasifunayo lesikhundla sikaMchunu. Indlela labantu abenze ngayo bayakhombisa ukuthi bebezokwenza  umsebenzi abawukhokhelwe baqede bahambe, kanti nesenzo sabo sokuthi bangazifihli sikhomba ukuthi akubona abala abasabi lutho,” kuphetha yena.

UNks Mchunu ubesanezinyanga ezintathu kuphela ebamba isikhundla sebamba likaThishanhloko.

Udaba luyaqhubeka.

  AUTHOR
Lethiwe Makhanya

Latest News

COMMENTS

Top
Next Story x
Akaphumule onqobe I-Berg River Marathon U/23