Omasikandi bazoqhudelana kowaMantshontsho

: IHhashi Elimhlophe linandisa kuMantshontsho kaMaskandi Awards ngonyaka odlule. Isithombe: facebook

 

AMACIKO aphuma ezindaweni ezahlukene azoqhudelana kuMantshontsho kaMaskandi Awards azokwenzelwa eDurban Convention Centre mhla lulunye ku-Ephreli  ngehora lesithupha ntambama.

Umsunguli walomcimbi uMnuz Mlamuli Nxele uthe uzokuba sohlelweni lukaSigiya Ngengoma Okhozini FM ngoMgqibelo nalapho ezisa khona ngemininingwane egcwele .

“Okuzothatha amehlo alomcimbi wukusina kudedelana enkundleni kwezinkakha ezifana noPhuzekhemisi, Ihhashi Elimhlophe, uShwi noMntekhala enkundleni lapho zizobe zifolosa phambili,” kusho uMnuz Nxele.

Uthi kulomcimbi kuzoboshelwa nezinye izinkunzi eziyi-6 zikamaskandi ezizotshakadula zikhombisa ngobuciko besigingci nokubaluleka kwaso.

Uthi izinkakha ezifana noPhuzekhemisi sekunesikhathi zizilungiselela ukunandisa kule miklomelo osekungeyesine yenzeka, okulindeleke izihlwele zabathandi balomculo.

“Siyazi ushuni nesitayela saseNingizimu nesifundazwe kuhambisana nentambo yesigingci yangakhona engafani neyasenyakatho. Amathikithi aqala ku-R150 kuya phezulu kanti aseyatholakala kuma-computicket,” kusho uMnuz Nxele.

Uphethe ngokuthi uyazi ukuthi legenge encane kamaskandi ingafunda lukhulu kulezi zinkakha ngezinto ezithinta lemboni kanjalo nezinkakha zingafunda okuningi ngokumakethwa kwalo mculo.

 

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

maritzburgsunpubliceyelooklocal.co.zaAutodealer.co.za
Top
Next Story
Bafuna athathelwe izinyathelo u-Bathabile Dlamini