Kuvuke isilonda emndenini   ngowanyamalala

 

KUVUKE isilonda emndenini waseBhobhonono KwaXimba ngelunga lawo elanyamalala nyakenye ngesikhathi kubikwa ukuthi lagqitshwa endaweni thize kule ndawo.

Amaphoyisa aseThekwini, eMgungundlovu nasePitoli ophiko lweLocal Crime Record Centre (LCRC) ngoMsombuluko abuye elambatha ngesikhathi ezama ukuthola lesi sidumbu okusolakala ukuthi lona wesifazane wabulawa wagqitshwa.

Umthombo weKZN Eyethu okulendawo utshele leli phephandaba ukuthi lokhu kwenzeke ngemuva kokuba amalunga omndeni atshelwe yisangoma ukuthi siyamubona lona wesifazane ukuthi ugqitshwe kuphi.

Lokho okuthiwa kube sekuqinisa idolo lomndeni ngokuthola ithambo lelunga lawo elingaziwa ukuthi lashona kuphi.

Kodwa kuphenduke usawoti enxebeni ngesikhathi lamaphoyisa abehlola lendawo ehambisana nawendawo ebuye elambatha ngokushiwo yilesi sangoma.

 

  AUTHOR
Mthandeni Madlala

Latest News

COMMENTS

Top
Recommended Story x
Kushube isimo abamatekisi bebanga umzila eMbali