Badedelwe ngebheyili ka-R1000 abasolwa ngokuthumba usana

Caption:UNKSZ Sibongile Mbambo(34) unina wengane nesoka lakhe uMnuz Phumlani Mbokazi (26).Isithombe : IOL Media.

 

BAPHUME ngebheyili yemali engu-R1 000 abasolwa ababili ababhekene necala lokuthumba ingane enenyanga eyodwa izelwe  eGame City eThekwini ngoLwesihlanu ngesonto eledlule.

UNksz Sibongile Mbambo(34)  ongunina wayo lengane, nesoka lakhe uMnuz Phumlani Mbokazi (26) bebevele  enkantolo kaMantshi yaseThekwini ngoLwesithathu nalapho befike badedelwa khona ngebheyili ka-R1000  umuntu emunye.

Abasolwa babhekene namacala amabili, elokukhwabanisa kanye nelokusebenzisa budedengu izinsizakusebenza zombuso.

Leli cala lihlehliselwe  umhla zi-9 kuMeyi ukuze kubuye imiphumela yolibofuzo njengoba uMbokazi ongumsolwa  eloku e mile ekutheni lolusana ingane yakhe.

Abasolwa baboshwa ngeSonto ngemuva kokuba kutholakale lolusana kwenye  yezimoto eMarianhill Toll Plaza ngesikhathi amaphoyisa evimba zonke izimotio ezingenayo neziphumayo eThekwini.

Usana obeluthunjiwe uSiwaphiwe Mbambo olutholwe ngeSonto.

Abasolwa  kusolwa ukuthi bayabandakanyeka kulokuthunjwa  kwalolusana yize kwaba  unina wengane   owahamba wayobika emaphoyiseni ukuthi ingane yakhe ithunjiwe ngesikhathi eqeda kuyincelisa.

Kuze kube imanje usana lusagcinwe kwabezenhlakahle kuze kubeluyaphothulwa uphenyo.

 

  AUTHOR
Intatheli ye-Eyethu

Latest News

COMMENTS

Top
Next Story x
Bafundiswe ngobungozi bokudla izidakamizwa abaseKhwezi Primary