Ihlomule ngamathangi amanzi iBhekumusa Primary School

Abafundi baseBongumusa Primary bakhombise injabulo bethola amathangi amasha amanzi.Isithombe:Sithunyelwe

 

ZIPHELILE izinkinga zokuntula amanzi esikoleni saseNanda iBhekumusa Primary ngesikhathi abakwaSunlight besigixabeza ngamathangi amabili okugcina amanzi ngoMsombuluko.

Uthishanhloko walesi sikole uNkk Maureen Mbatha uthe bekunzima kakhulu bephila ngethangi elilodwa lamanzi, abafundi uma beqeda ukuzikhulula bebesebenzisa amabhakede ukukha amanzi azohambisa indle.

“Manje sekuzoba lula nokuxhuma amapayipi endle, ngisho othisha bebesuka namanzi emakhaya abazowasebenzisa usuku lonke, sibonga kakhulu kwabakwaSunlight,”kubonga uthishanhloko.

UNks Leleti Khumalo ongumlingisi woZalo ubeyingxenye yalo luhlelo, uveze ukuthi bebengazile ukuzoshiya amathangi amanzi kuphela kodwa bebezofundisa izingane ngokongiwa kwawo.

“Ngonyaka odlule sahambela izikole ezingama-300 kuzwelonke sishumayela ivangeli lokongiwa kwamanzi, sibhekene nenkinga enkulu yesomiso ngakho-ke abantu kumele bashintshe indlela abaphila ngayo, njengokuthi umuntu uma egeza ngeshawa angavuleli amanzi egeleze,”kubeka uNks Khumalo.

Lo luhlelo selusize izikole eziningi eziswele amanzi, uma ufuna isikole sakho sihlomule amathangi okugcina amanzi ungenela umncintiswano ngokuthenga insipho iSunlight kwaSpar noma uShoprite bese ufaka isiliphu kwibhokisi ozolifica esitolo esiseduze nawe.

 

 

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

maritzburgsunpubliceyelooklocal.co.zaAutodealer.co.za
Top
Next Story
Banikelelwe ngemifaniswano abafundi abaswele eMlazi