Kuyakhalwa ngokudlula  kweciko le-Amazing Grace

UThembeka Precious Mbutho udlule emhlabeni ngemumva kokuphathwa ikhanda ebuya emsebenzini ngeledlule kwa F. Isithombe: Sithunyelwe

 

AMACIKO aseMlazi asezwakalise ukudumala ngongudlula emhlabeni kwelinye iciko uThembeka Precious Mbutho (2) wakwa F, odlule emhlabeni ngokuzuma ngeledlule.

UThembeka udlule emhlabeni mhla zingama 10, ngemumva kokuphathwa ikhanda ebuya emsebenzini.

Okhulumela iqembu le-Amazing Grace nongumsunguli walo uNhlanhla Gebashe uthi balahlekelwe ngokudlula emhlabeni kwa Thembeka.

“Silahlekelwe kakhulu siyiqembu, sisanda kuthola umsebenzi kuZalo kuSABC1 ozothatha unyaka wonke. Kusizumile ukuhamba kwakhe ngoba ubengenalutho, siyacela abantu baqhubeke nokusikhulekisa kulesikhathi esinzima esibheke naso kanye nomndeni wakhe,” kusho umphathi uGebashe.

UGebashe uthi inkonzo yesikhumbuzo somgcwabo izoba ngoLwesine ebandleni lase Ark Fellowship Centre kwa F ngo 4 ntambama, kumenywa namaqembu aseMlazi ukuba azomhlonipha kulenkonzo.

Ezinkundleni zokuxhumana sicaphune inkulumo ka Bheko Chiyi ongumsunguli weqembu iSabelo Musical Group nophinde abe yilunga loMlazi Arts, Culture and Tourism Organisation (Umlacto), ubhale kanje:

“Ngokukhulu ukudabuka ngithanda ukunazisa ngokudlula emhlabeni kuka Thembeka Precious Mbutho obehlala ka-F ubeyiciko elisebenze kakhulu ne-Amazing Grace, SMS.

“Uphinde abekhona kwi-Album ka-Andile Mbili ‘Uyanaka uJesu,’ uzofihlwa ngoMgqibelo 18 March 2017, inkonzo yomgcwabo izoba se-Ark kaF. Sengathi engalala ngokuthula.”

UThembeka ufunde amabanga aphansi eNselelo Primary, ePhila waphothula umatikulentsheni wakhe eMbizweni High kwa F.

Ushiye emhlabani umama wakhe, izingane zakhe ezimbili nodadewabo.

  AUTHOR
Sabelo Ngema

Latest News

COMMENTS

Top
Recommended Story x
Injabulo yodwa kwemuliswa izelamani