Abe-Comrades Marathon namakepisi abaxhasi  

Abagijimi bezobhalisela i-Comrades Marathon 2017 eMgungundlovu. Isithombe:Comrades facebook

 

 

INKAMPANI yakwaToyota ehamba  phambili ekukhiqizeni izimoto izoxhasa      abagijimi ngamakepisi anophawu layo kwiComrades Marathon yalonyaka esuka eThekwini iphelele eMgungundlovu.

Le nkampani ibivele iwuxhasa lomjaho iminyaka eyi-7 eyedlule kanti lelikapisi lakhiwe ngendwangu elula nekhanyayo eyenza oligqokile akhululeke.

Oyimenenja yalo mjaho uChris Fisher uthi banwebe isikhathi sokuthi uToyota axhase lomjaho osezingeni eliphezulu .

“Sibenomuzwa wokuthi  uToyota usixhase hhayi kuphela ngezimoto, kodwa sinwebe namanye amalungelo,”kusho uFisher.

UFisher uthi ngokwemithetho yalo mjaho akukho mgijimi ophoqiwe ngokufaka ikepisi lakwaToyota ngelanga lawo.

“Ayizi-20 000 azonikwa abagijimi kwizindawo ezimbili zokubhalisa eThekwini naseMgungundlovu. Le likepisi lizothumela isitatimende ngalo mbala obomvu nokumhlophe nophawu lakwa Toyota emacaleni,”kusho uMnuz Fisher.

Uthi abagijimi abalande amakepisi akwaToyota nesikibha se-New Balance nezinombolo zokubhalisa zakwaBonitas nemiyalelo yokugcina ngomjaho.

Uveze ukuthi kuzoba nephephabhuku le-Comdrades nesikhwama esinezinto ezimnandi zeComrades Expo eThekwini naseMgungundlovu lakubhaliswa khona kusukela ngomhlaka 1 -3  Juni.

 

  AUTHOR
Thobile Zwane  

Latest News

COMMENTS

Top
Next Story x
UNgqongqoshe emngcwabeni wabafundi abawu-6 eDalton