Izothola ukuxilongwa esibhedlela inkakha ye-Ladysmith Black Mambazo  

Esithombeni: uDkt Joseph Shabalala, uNgqongqoshe wezeMpilo uDkt Sibongiseni Dhlomo, uNkk Shabalala, nengxenye yomndebini kaDkt Shabalala

 

 

Izothola ukuxilongwa okunzulu esibhedlela Inkosi Albert Luthuli ingqalabutho yomculo wesicathamiya uDkt Joseph Shabalala, weqembu iLadysmith Black Mambazo.

Lokhu kuvele ngoLwesine ngenkathi uNgqongqoshe wezeMpilo esifundazweni saKwaZulu-Natal uDkt Sibongiseni Dhlomo, ehambele emzini walengqalabutho oseMnambithi nalapho okaDhlomo eveze ukuthi maphakathi nenyanga kaMasingana ngonyaka ozayo, iziphathimandla zezempilo esifundeni sasoThukela  zizosebenza ngokubambisana noNkk Shabalala ukubheka amafayela aqukethe umlando wezempilo kaDkt Shabalala, ukuze bazokwazi ukumtholela usizo lwezempilo aludingayo bewuhulumeni wesifundazwe.

UDkt Dhlomo uveze ukuthi ukuvakasha kwakhe emzini walengqalabutho yomculo wesicathamiya, kuza ngemuva kokuthunywa  nguNdunankulu wesifundazwe saKwaZulu-Natal uMnuz Willies Mchunu, ukuba azobheka impilo kaDkt Shabalala ngeso lakhe lobudokotela njengoba ahlinzwa emgogodleni esikhathini esiphambili.

 

 

 

 

 

  AUTHOR
Thokoza Vilakazi

Latest News

COMMENTS

Top
Next Story x
Kusolwa ugogo wezingane ngokuziphoqa ukuba ziye ocansini namadoda amadala ukuze athole imali.