Ithuba kwabafuna ukucula kwi-Joyous Celebration

IQEMBU elidumile kuleli lomculo wokholo, i-Joyous Celebrations lizoba nenhlolokhono eThekwini ezoba yingxenye yekhonsathi layo kulelidolobha kulonyaka.

Leliqembu kulindeleke ukuba licule amaculo amasha akwi-albhamu yalo yesi 19 entsha esihloko ngokuthi iBack to the Cross kusukela mhlaka 31 kuJulayi kuya kumhlaka 01 Agasti e-ICC eThekwini.

Abafisa ukuba yingxenye yalenhlolokhono bangabhalisa ngokuthumela iSMS enegama, i-ID numba, bese besho ukuthi babhalisela ukucula okanye uyashaya i-intsrument bese besho ukuthi banekhono ekushayeni yiphi i-instrument. Le-sms bayithumela ku 38054 kanti Ibiza uR10 ngayinye.

Abazozama inhlanhla kufanele beze ne-refrence namba abazoyithola uma beqeda ukubhalisa. Ukuthunyelwa kwama-SMS kuzovalwa ngo 4 mhlaja 24 kuJulayi kanti abakhethiwe bayokwaziswa ngenyanga ka Septhemba.

“ Abantu baseThekwini kufanele balindele ukubona into yamehlo kulezinsuku ezimbili. Sikulangazelele kakhulu ukutshengisa abalandeli bethi ithalente elisezingeni lomhlaba, sifuna bahambe bebusisekile,” kusho uJabu Hlongwane.

Kulekhonsathi kuzobe kukhona nomqhulili wamahlaya u-Elton Mduduzi Ntuli. Amathikithi adayisa uR200 eComputicket.

 

  AUTHOR
Intatheli ye-Eyethu

Latest News

COMMENTS

Top
Recommended Story x
OwaKwanyuswa ufuna ukubuyisa isicoco sika-Mrs SA