Uqambe amanga kuTwitter wathi ukhulelwe ingane kaTrevor Noah

SEKUTHUSE abaningi okwenziwe intombazanyana esencane ethuthukele enkundleni yezokuxhumana uTwitter yatshela abantu ukuthi ikhulelwe ingane kasomahlaya walapha eNingizimu Afrika uTrevor Noah.

Lentombazanyana ezibiza ngo @MissJGreen18  ishukumise uTwitter ngokuqamba amanga ithi ikhulelwe ingane kaTrevor. Ngokusho kwalentombazanyana ithe beno Trevor bazimbandakanya ocansini yabe isiyakhulelwa.

Ekugcineni kuvele ukuthi lentombazanyana yenze lokhu ngoba ifuna losomahlaya ayinake. Phakathi kwezinye zezinto ezishilo ithe, “ Nginamasonto ambalwa ngizithwele, usuyangiziba futhi usufuna nokungibalekela. Ngiyazi uyayifunda lemiyalezo ngicela unginake. Yiba yindoda, nginontwana wakho.”

Iqhubeka iphinde yathi, “ Ngiyaxolisa bengingafuni lokhu kwenzeke, kodwa ngizotshela abezindaba ukuthi uzimbandakanye ocansini nentombazane esencane wabe usuyikhulelisa.”

Iphinde yatshela losomahlaya ukuthi akayeke ukuyithumelela imiyalezo yangasese kodwa abhale odongweni lwayo kuTwitter.

UTrevor uvele wawaphendula ihlaya lamahlebezi wathi, “Emizuzwini nje ngisendizeni elibangise eScotland manje sengingubaba? UTwitter uzokutshengisa izimangaliso.”

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

maritzburgsunpubliceyelooklocal.co.zaAutodealer.co.za
Top
Next Story
Kutholwe ingane ilahlwe emgqomeni eMgungundlovu