Wale uBoity ngenxa yezithombe ezinqunu

IZITHOMBE ezimveza ubuyena abezifaka ezinkundleni zokuxhumana zisolwa njengembangela yokugqabuka kwefindo othandweni lukaBoitumelo ‘Boity’ Thulo nobeyisoka lakhe uGreg Borowsky.

Ngokubika kwephephandaba eligxile kakhulu ezindabeni ezithinta osaziwayo iSunday Sun liveze ukuthi isoka likaBoity ngeledlule linqume ukubuqeda ubudlelwano balo bezothando nalentokazi.

 

UGreg Borowsky ocula nebhendi i-GB Collective kuthiwa unqume ukubhungukela eMelika emva kokuhlukana nalentokazi okuthiwa ubehlale eyikhuza ukuthi ayihlukane nalo mkhuba wayo wokufaka izithombe eziyitshengisa ubuyona kuTwitter naku-Instagram ngoba iyamhlaza.

UBoity okumanje useBrazil uhambele imidlalo yeNdebe yomhlaba kuthiwa ukuhlukana kwakhe noGreg kumphule inhliziyo kangangoba akazange abonakale ngisho uGreg esenzelwa iphathi yokumvalelisa eMoyo ngesonto eledlule.

Ebuzwa ngalolu daba uGreg uthe: “Mina noBoity siyohlezi singabangani abakhulu. Ngicela nikuhloniphe lokho.”
Imenenja kaBoity, uVusi Leeuw, uthe uBoity akekho kuleli wathi akathandi ukukhuluma ngempilo yangasese yekhasimende lakhe.

  AUTHOR
Intatheli ye-Eyethu

Latest News

COMMENTS

Top
Next Story x
BUKA: Inhlekelele yedlule nemiphefumulo yezelamani